Well-Child ကျန်းမာရေးစစ်ဆေးမှု၊ 4 နှစ်

ဖွံ့ဖြိုးတိုးတက်မှုနှင့် အထင်ကရဖြစ်ရပ်များ

ကျန်းမာရေးပြုစုစောင့်ရှောက်သူသည် ကလေး၏ဖွံ့ဖြိုးတိုးတက်ရေး အကြံဉာဏ်ရရှိရန် သင့်ကလေး၏ အပြုအမူကို မေးမြန်းပြီး စူးစမ်းလေ့လာလိမ့်မည်။ ဤတစ်ကြိမ်ပြရာတွင် ကလေးအများစုသည် အောက်ပါတို့ကို ပြုလုပ်သည်၊

• ငိုနေသော သူငယ်ချင်းကို ပွေ့ဖက်ခြင်း ကဲ့သို့ ထိခိုက်သူ သို့မဟုတ် ဝမ်းနည်းနေသူများကို နှစ်သိမ့်ပေးခြင်း

• “ကူညီတတ်သူ” ဖြစ်လိုခြင်း

• ၎င်းတို့၏တစ်နေ့တာအတွင်း ဖြစ်ပျက်ခဲ့သည့်အရာ အနည်းဆုံးတစ်ခုအကြောင်း ပြောပြခြင်း

• လူသများသည့် ဖြစ်ရပ်တစ်ခုတွင် နောက်ထပ်ဘာဆက်ဖြစ်မည်ကို ပြောခြင်း

• ပစ္စည်းများ၏ အရောင်အနည်းငယ်ကို အမည်ပြောခြင်း

• စကားလုံး 4 လုံး သို့မဟုတ် အထက် ပါရှိသည့် ဝါကျများ ပြောခြင်း

• ရောင်စုံခဲတံ သို့မဟုတ် ခဲတံကို လက်မနှင့် လက်ချောင်းများကြား ကိုင်ထားခြင်း (လက်သီးဆုပ်ခြင်းမဟုတ်)

• ခန္ဓာကိုယ်အစိတ်အပိုင်း 3 ခု သို့မဟုတ် အထက်ပါရှိသည့် လူတစ်ယောက်ပုံ ရေးဆွဲခြင်း

• အချိန်အများစုတွင် ဘောလုံးအကြီးကို ဖမ်းခြင်း

• ကြယ်သီးအချို့ကို ဖြုတ်ခြင်း

ကျောင်းနှင့် လူမှုရေးကိစ္စများ

ကျန်းမာရေးပြုစုစောင့်ရှောက်သူသည် သင့်ကလေးသည် အခြားကလေးများနှင့်ဆက်ဆံပုံကို မေးမြန်းလိမ့်မည်။ မူကြိုကဲ့သို့ အုပ်စုဝန်းကျင်များရှိ သင့်ကလေး၏အတွေ့အကြုံအကြောင်းပြောပါ။ သင့်ကလေးသည် မူကြိုမနေပါက ၎င်းအစား နေ့ကလေးထိန်းကျောင်း သို့မဟုတ် ကလေးများစုကစားစဉ်က အပြုအမူအကြောင်းပြောပြနိုင်သည်။ မူကြိုရွေးချယ်မှုများနှင့် သင့်ကလေး သူငယ်တန်းတက်ဖို့ အဆင်သင့်ဖြစ်ရန်မည်သို့ကူညီရမည်ကိုလည်း ဆွေးနွေးနိုင်သည်။ ကျန်းမာရေးပြုစုစောင့်ရှောက်သူမှ မေးမြန်းနိုင်သည်မှာ၊

• အုပ်စုဝန်းကျင်များထဲ ပါဝင်မှုနှင့် အပြုအမူ။ ကျောင်းတွင် သို့မဟုတ် အခြားအုပ်စုဝန်းကျင်များတွင် သင့်ကလေး ဘယ်လိုလုပ်သလဲ။ သူတို့သည် အုပ်စုလိုက်လှုပ်ရှားမှုများနှင့် လုပ်ရိုးလုပ်စဉ်ကိုလိုက်နာပြီး ပါဝင်သလား။ သင့်ကလေး၏အပြုအမူနှင့်ပတ်သက်၍ ဆရာမများ သို့မဟုတ် စောင့်ရှောက်သူများက ဘာပြောသလဲ။

• အိမ်တွင် ပြုမူပုံ။ အိမ်တွင် သင့်ကလေးဘာလုပ်သလဲ။ အိမ်တွင် ပြုမူပုံသည် ကျောင်းတွင်ပြုမူပုံထက် ပိုကောင်းလား ပိုဆိုးလား။ ကလေးများအတွက် အိမ်မှာထက် ကျောင်းမှာပိုလိမ္မာခြင်းသည် သာမန်ဖြစ်သည်ကို သိထားပါ။

• ခင်မင်မှုများ။ သင့်ကလေးသည် အခြားကလေးများနှင့် မိတ်ဖွဲ့သလား။ ကလေးများ ဘာကြိုက်သလဲ။ သင့်ကလေးသည် ထိုသူငယ်ချင်းများနှင့် ဘယ်လိုဆက်ဆံလဲ။

• ကစားခြင်း။ သင့်ကလေးသည် ဘယ်လိုကစားရတာကြိုက်လဲ။ ဥပမာ၊ သူတို့သည် "စိတ်ကူးယဉ်"ကစားသလား။ ကစားနေချိန်အတွင်း သင့်ကလေးသည် အပြန်အလှန်ကစားသလား။

• လွတ်လပ်ခြင်း။ သင့်ကလေးသည် ကျောင်းမှာ ဘယ်လိုနေထိုင်လဲ။ သင်ထွက်သွားသည့်အခါ သူတို့ဘယ်လိုတုံ့ပြန်လဲ။ အချို့ပူပန်မှုသည် ပုံမှန်ဖြစ်သည်။ ၎င်းသည် သင့်ကလေးပိုလွတ်လပ်လာသည့်အခါ အချိန်ကြာလာလေ ပိုကောင်းလေဖြစ်မည်။

အာဟာရနှင့်လေ့ကျင့်ခန်း အကြံပြုချက်များ

ကျန်းမာရေးနှင့်ညီညွတ်အောင် စားခြင်းနှင့်လှုပ်ရှားမှုများသည် ကျန်းမာသည့်အနာဂတ်အတွက် အရေးပါသည့်သော့ချက် 2 ခုဖြစ်သည်။ သင့်ကလေးအား တစ်သက်တာခံမည့် ကျန်းမာရေးနှင့်ညီသည့် အလေ့အထများအား စတင်သင်ကြားပေးရန် စောလွန်းလှသည်မဟုတ်ပါ။ ၎င်းတို့သည် သင်လုပ်နိုင်သည့် အချို့အရာများဖြစ်သည်၊

• သစ်သီးဖျော်ရည်နှင့် အားကစားအချိုရည်များ ကန့်သတ်ပါ။ ထိုအချိုရည်များသည်—သစ်သီးဖျော်ရည်စစ်စစ်—ဖြစ်လျှင်ပင် သကြား အများအပြားပါသည်။ ၎င်းသည် ကျန်းမာရေးနှင့်မညီညွတ်သည့် ကိုယ်အလေးချိန်တိုးခြင်းနှင့် သွားပျက်စီးခြင်းတို့ဖြစ်စေသည်။ ရေနှင့် အဆီနည်း သို့မဟုတ် အဆီမပါသည့်နို့များသည် သောက်သုံးရန် အကောင်းဆုံးဖြစ်သည်။ အစားစားချိန်ကဲ့သို့ တစ်နေ့လျှင် 100% သစ်သီးဖျော်ရည် ဖန်ခွက်အသေးတစ်ခွက်ထိ သစ်သီးဖျော်ရည်ကိုကန့်သတ်ပါ။

• ဆော်ဒါမတိုက်ရပါ။ သင့်ကလေးအား ဆော်ဒါသောက်ခွင့် မပေးခြင်းသည် ကျန်းမာရေးနှင့်အညီညွတ်ဆုံးဖြစ်သည်။ ဆော်ဒါသောက်ခွင့်ပြုလျှင် အလွန်ထူးခြားသည့် ပွဲများအတွက်သာခွင့်ပြုပါ။

• ကျန်းမာရေးနှင့်ညီညွတ်သည့် အစားအစာများကိုကျွေးပါ။ သရေစာများအတွက် ကျန်းမာရေးနှင့်ညီညွတ်သည့်အစားအစာမျိုးစုံ ဆောင်ထားပါ။ ၎င်းတို့တွင် လတ်ဆတ်သော သစ်သီးများနှင့် ဟင်းသီးဟင်းရွက်များ၊ အဆီးနည်းသည့် အသားများနှင့် အစေ့အဆန်များပါဝင်နိုင်သည်။ အာလူးချောင်းကြော်များ၊ သကြားလုံး၊ နှင့်သရေစာများကဲ့သို့ အစားအစာများကို ရံဖန်ရံခါသာ ကျွေးသင့်သည်။

• ကလေးစားနိုင်သည့်အရွယ် အချိုးအစားများကျွေးပါ။ ကလေးများသည် လူကြီးများလောက် အစားများများ မလိုအပ်ပါ။ သင့်ကလေးကို သူတို့အရွယ်နှင့် သင့်တော်သည့် ပမာဏကိုကျွေးပါ။ သင့်ကလေးအား သူတို့ဗိုက်ပြည့်သည့်အခါ အစားစားခြင်းကို ရပ်ခွင့်ပေးပါ။ တစ်နပ်စားပြီးသည့်နောက် သင့်ကလေးဗိုက်ဆာနေသေးလျှင်၊ ဟင်းသီးဟင်းရွက်များ သို့မဟုတ် သစ်သီးကို ထပ်ကျွေးပါ။ သင့်ကလေးစားသည့် ပမာဏပေါ်ကန့်သတ်၍ ရပါသည်။

• တက်ကြွကစားခြင်းဖြင့် နေ့စဥ် ကိုယ်လက်လှုပ်ရှားမှုကို အနည်းဆုံး 3 နာရီလုပ်ရန် အားပေးပါ။ သွားလာလှုပ်ရှားခြင်းသည် သင့်ကလေးကို ကျန်းမာစေသည်။ သင့်ကလေးအား စက်ဘီးစီးရန်၊ သို့မဟုတ် လိုက်တမ်းပြေးတမ်း သို့မဟုတ် ဘောလုံး တက်ကြွသည့်ကစားနည်းများကိုကစားရန် ပန်းခြံသို့ခေါ်သွားပါ။

• တစ်နေ့လျှင် စခရင်ကြည့်ရှုချိန်ကို 1 နာရီထက် မကျော်လွန်ရန် ကန့်သတ်ပါ။ ဤတွင် တီဗီ၊ ဖုန်း၊ တက်ဘလက်၊ ဗီဒီယိုဂိမ်းများ၊ ကွန်ပျူတာများနှင့် အခြားစက်ပစ္စည်းများ ပါဝင်သည်။ သင့်ကလေး စခရင်ကြည့်ရှုသည့်အခါ ပါဝင်သည့်အကြောင်းအရာသည် လူကြီးတစ်ယောက်ရှေ့တွင် ကြည့်သည့် ကလေးပရိုဂရမ်တစ်ခု ဖြစ်သင့်သည်။ သင့်ကလေး၏အိပ်ခန်းအတွင်း မည်သည့်စခရင်မှ မထားပါနှင့်။ ကလေးများသည် စကားပြောခြင်း၊ ကစားခြင်းနှင့် အခြားသူများနှင့် ပြောဆိုဆက်ဆံခြင်းတို့မှ သင်ယူကြသည်။

• သင့်ကလေး၏ ကိုယ်အလေးချိန်နှင့်ပတ်သက်၍ ကျန်းမာရေးပြုစုစောင့်ရှောက်သူကို မေးမြန်းပါ။ ထိုအရွယ်တွင် သင့်ကလေးသည် တစ်နှစ်လျှင် 4 မှ 5 ပေါင်ခန့်ရှိရမည်။ သူတို့သည် ယင်းထက်ကိုယ်အလေးချိန်ပိုလာပါက၊ ကျန်းမာရေးနှင့်ညီညွတ်သည့် စားသောက်သည့်အလေ့အထများနှင့် လှုပ်ရှားမှု လမ်းညွှန်ချက်များအကြောင်း ကျန်းမာရေးပြုစုစောင့်ရှောက်သူနှင့်ပြောဆိုပါ။

• ပုံမှန်သွားဘက်ဆိုင်ရာပြသမှုပြုလုပ်ပါ။  သင့်ကလေးအား သွားသန့်ရှင်းရေးနှင့် ကျန်းမာရေးစစ်ဆေးမှုအတွက် တစ်နှစ်လျှင် အနည်းဆုံးနှစ်ကြိမ် သွားဆရာဝန်ထံ ခေါ်သွားပါ။

• အိပ်စက်မှု အမူအကျင့်ကောင်းများကို အားပေးပါ။ အသက် 3 နှစ်မှ 5နှစ် အတွင်း မူကြိုအရွယ် ကလေးများအတွက် 24 နာရီတွင် အိပ်စက်ချိန် 13 နာရီရှိသင့်သည်။ ဆိတ်ငြိမ်သော အိပ်ရာဝင်ချိန်ကို ပုံမှန်ဖန်တီးပေးပါ

ဘေးကင်းစိတ်ချရေးအတွက် အကြံပြုချက်များ

ေါင်းဆောင်းဦးထုပ်ကဲ့သို့ စက်ဘီးလုံခြုံရေးပစ္စည်းသည် သင့်ကလေးအား ဘေးကင်းစေသည်။

သင့်ကလေးဘေးကင်းရေးအတွက် အကြံပြုချက်တွင် ပါဝင်သည်မှာ၊ 

• စက်ဘီးစီးသည့်အခါ သင့်ကလေးအား မေးသိုင်းကြိုးပါသည့် ခေါင်းဆောင်းဦးထုပ်ကိုဝတ်ဆင်ပေးပါ။ စကိတ်စီးစဉ် သို့မဟုတ် စကူတာ သို့မဟုတ် စကိတ်လျှောပြားသုံးစဉ်၊ လက်ကောက်ဝတ်စွပ်များ၊ တံတောင်စွပ်များ၊ ဒူးစွပ်များ၊ နှင့် ခေါင်းဆောင်းဦးထုပ်ဝတ်ဆင်ခြင်းသည် အလုံခြုံဆုံးဖြစ်သည်။

• သင့်ကလေး ထွားလာသည်အထိ ကားထိုင်ခုံကိုဆက်သုံးပါ။ ၎င်းသည် သင့်ကလေး၏ အရပ်သို့မဟုတ် ကိုယ်အလေးချိန်သည် သူတို့၏ ကားထိုင်ခုံအတွက် ရှေ့သို့မျက်နှာမူသည့်ကန့်သတ်ချက်ထက် ပိုသည်အခါတွင်ဖြစ်သည်။ သတ်မှတ်ထားသည့် အရပ်သို့မဟုတ် ကိုယ်အလေးချိန်အတွက် သင့်ကားထိုင်ခုံပိုင်ရှင်၏ လက်စွဲစာအုပ်ကိုစစ်ဆေးပါ။ သင့်သိရန်လိုအပ်သည့် ကားထိုင်ခုံအသုံးပြုမှုနှင့်ပတ်သက်သည့် ပြည်နယ်ဥပဒေများရှိလျှင် ကျန်းမာရေးပြုစုစောင့်ရှောက်သူကို မေးမြန်းပါ။

• သင့်ကလေးသည် ကားထိုင်ခုံနှင့်မဆံ့အောင်ထွားလာသည်နှင့်၊ နောက်မှီအမြင့် ကားထိုင်ခုံနှင့်လဲပါ။ ၎င်းသည် ထိုင်ခုံခါးပတ်ကို မှန်ကန်စွာအံဝင်ခွင်ကျဖြစ်စေသည်။ သင့်ကလေးအရပ် 4 ပေ 9 လက်မ မြင့်ပြီး 8 နှစ်နှင့် 12 နှစ်အရွယ်ကြားရှိသည်အထိ အမြင့်ထိုင်ခုံကိုသုံးရမည်။ နောက်ထိုင်ခုံတွင် 13 နှစ်အောက်ငယ်သည့် ကလေးအားလုံး စီးသင့်သည်။

• သင့်ကလေးအား လူစိမ်းနှင့်စကားမပြောရန် သို့မဟုတ် လူစိမ်းနှင့်အတူဘယ်နေရာကိုမျှ မသွားရန်သင်ထားပါ။

• သင့်ကလေးကို ဖုန်းနံပါတ်၊ လိပ်စာနှင့် မိဘမျိုးရိုးအမည်များ စသင်ပေးပါ။ ၎င်းတို့သည် အရေးပေါ်အခြေအနေတွင် သိရှိရန် အရေးကြီးသည်။

• သင့်ကလေးအား ရေကူးသင်ပေးပါ။ အဖွဲ့အစည်းအများစုသည် ကုန်ကျစရိတ်နည်းသည့် ရေကူးသင်ခန်းစာများကိုပေးလျက်ရှိသည်။ ရေရှိသည့် မည်သည့်နေရာတွင်မဆို သင့်ကလေးကို တစ်ယောက်တည်း မထားခဲ့ပါနှင့်။

• သင့်တွင် ရေကူးကန်ရှိပါက ဘေးပတ်လည်အားလုံးတွင် အပြည့်ကာရံထားပါ။ ရေကူးကန်သို့ရောက်စေသည့် ဂိတ်တံခါးများ သို့မဟုတ် တံခါးများကို ပိတ်ပြီးသော့ခတ်ထားပါ။ ရေကူးနည်း သိထားပြီးသည့်တိုင်အောင် သင့်ကလေးကို လူကြီးကြပ်မတ်မှုမပါဘဲ ရေကူးကန်အတွင်း သို့မဟုတ် တဝိုက်တွင် မကစားပါစေနှင့်။

• သင့်ကလေးကို မရင်းနှီးသော ခွေးများ၊ ကြောင်များနှင့် အခြားတိရစ္ဆာန်များအား အနားမကပ်ရန် သင်ထားပါ။ တိရစ္ဆာန်များအနီးတွင် သင့်ကလေးအားတစ်ယောက်တည်း လုံးဝမထားပါနှင့်။

• နေပူဒဏ်ကို သတိထားပါ။ အကာအကွယ်ပေးသည့် အဝတ်အစားကို ဝတ်ပေးပါ။ မနက် 10 နာရီနှင့် ညနေ 4 နာရီကြား နေပူထဲမနေဖို့ကြိုးစားပါ။ ၎င်းသည် နေရောင်ခြည် အပြင်းဆုံးအချိန်ဖြစ်သည်။ အပြင်မထွက်မီ မိနစ် 30 အလိုတွင် နေရောင်ကာခရင် လိမ်းပေးပါ။ အဝတ်မအုပ်ထားသည့် သင့်ကလေး၏အရေပြားတွင်အနည်းဆုံး SPF 15 သို့မဟုတ် 50 အထိပါသည့် နေရောင်ကာခရင်လိမ်းပေးပါ။

• အိမ်တွင် သေနတ်ကို သိမ်းထားရန် လိုအပ်ပါက ကျည်မထည့်ဘဲ လုံခြုံစွာသိမ်းပါ။ ကျည်ဆံများကို သီးခြားနေရာတွင် သော့ခတ်ထားပါ။

• ခန္ဓာကိုယ်အစိတ်အပိုင်းများအားလုံး၏ မှန်ကန်သည့်နာမည်ကိုအသုံးပြုခြင်းနှင့် သင့်ကလေးကို ခန္ဓာကိုယ်အစိတ်အပိုင်းများအားလုံး၏ မှန်ကန်သည့်နာမည်ကို သင်ကြားပေးခြင်း။ မိဘများ သို့မဟုတ် စောင့်ရှောက်သူများထံသို့ လျှို့ဝှက်ထားရန်၊ မိမိတို့၏ လိင်အင်္ဂါများကို သို့မဟုတ် လူကြီးတစ်ဦး၏ သို့မဟုတ် အခြားကလေး၏လိင်အင်္ဂါများကို ကြည့်ရန် သို့မဟုတ် ထိတွေ့ရန် မည်သူ့စကားမှ နားမထောင်သင့်ကြောင်း သင့်ကလေးကို သင်ပေးပါ။ ကျန်းမာရေးပြုစုစောင့်ရှောက်သူတစ်ဦးက ခန္ဓာကိုယ်၏အဆိုပါအစိတ်အပိုင်းများကို စစ်ဆေးရလျှင် သင်ရှိနေပေးပါ။

• သူတို့နေရထိုင်ရခက်သည့်အခါ “မလုပ်နဲ့” ဟုပြော၍ရကြောင်း သင့်ကလေးကို သင်ထားပေးပါ။ ဥပမာ၊ သင့်ကလေးသည် မိသားစုဝင် သို့မဟုတ် သူငယ်ချင်းကို မဖက်ချင်လျှင် သူတို့၏ “ဟင့်အင်း”ဆိုသည့် ဆုံးဖြတ်ချက်ကို လေးစားပေးပါ။

ကာကွယ်ဆေးများ

ရောဂါထိန်းချုပ်ခြင်းနှင့်တားဆီးကာကွယ်ခြင်းစင်တာ (CDC) ၏ အကြံပြုချက်များအရ ယခုတစ်ကြိမ်လာရောက်ပြသမှုတွင် သင့်ကလေးသည် အောက်ပါကာကွယ်ဆေးများ ထိုးခံရနိုင်သည်၊

• ဆုံဆို့နာ၊ မေးခိုင်ရောဂါနှင့် ကြက်ညှာချောင်းဆိုးရောဂါ

• နှစ်စဉ် ဖလူ (တုပ်ကွေးရောဂါ)

• ဝက်သက်၊ ပါးချိတ်ရောင်နာနှင့် ဂျာမန်ဝက်သက်

• ပိုလီယို

• ရေကျောက်

• COVID-19

သင့်ကလေးအား အပြုသဘောဆောင်သည့် အားပေးမှုပေးပါ

၎င်းသည် သူတို့လုပ်တာမှားနေသည်ကို ကလေးအား ပြောရလွယ်စေသည်။ ကလေးတစ်ယောက်အား သူတို့လုပ်တာမှန်သည့်အတွက် ချီးကျူးရန် သတိရဖို့ မကြာခဏခက်ခဲတတ်သည်။ ကောင်းသည့်အပြုအမူကို ထောမနာပြုခြင်း (အပြုသဘောဆောင်သည့် အားပေးမှု) သည် သင့်ကလေးအား ကိုယ့်ကိုယ်ကိုယ် ယုံကြည်မှုနှင့် ကောင်းမွန်သည့် မိမိကိုယ်ကိုယ် တန်ဖိုးထားမှုကိုရရှိစေသည်။ အောက်ပါတို့မှာ အကြံပြုတချို့ဖြစ်ပါသည်၊

• သင့်ကလေးအား လိမ္မာသည့်အတွက် ချီးမွမ်းပြီး အာရုံစိုက်ပေးပါ။ သင့်တော်သည့်အချိန်တွင် ကလေးမှ ကောင်းကောင်းလုပ်ခဲ့သည်ကို တစ်မိသားစုလုံးကို အသိပေးပါ။

• ကပ်ခွာများကဲ့သို့ ဖက်ခြင်းများ၊ နမ်းခြင်းများ၊ သေးငယ်သည့်လက်ဆောင်များဖြင့် ကောင်းမွန်သည့်အပြုအမူကို ချီးမြှင့်ပေးပါ။ လိမ္မာပြီး ဆုတွေရသည့်အခါ ကလေးများသည် ဆုများရရန် ထိုအပြုအမူများကို ဆက်ပြုလုပ်လိမ့်မည်။ ဆုများအနေနှင့် အချိုများ သို့မဟုတ် သကြားလုံးကို မသုံးပါနှင့်။ အပြုသဘောဆောင်သည့် အားပေးမှုအနေဖြင့် ထိုအရာများကိုသုံးခြင်းသည် ကျန်းမာရေးနှင့်ညီသည့် အစားစားသည့်အလေ့အထများနှင့် အစားအစာအပေါ် ခုံမင်မှုဖြစ်စေနိုင်သည်။

• သင့်ကလေးသည် သင်ဖြစ်စေချင်သလိုမလုပ်သည့်အခါ သူတို့ကို ဆိုးသည် သို့မဟုတ် မိုက်သည်ဟု မသတ်မှတ်ပါနှင့်။ ၎င်းအစား ထိုလုပ်ရပ်အား လက်မခံနိုင်ကြောင်း ပြောပြပါ။ ဥပမာ၊ "နင်က ဆိုးလိုက်တဲ့မိန်းကလေးပဲ"ဟု ပြောမည့်အစား "ရိုက်တာမကောင်းဘူး" ဟုပြောပါ။ သင့်ကလေးသည် မှားယွင်းသည့်အပြုအမူအစား မှန်ကန်သည့်အပြုအမူကိုရွေးချယ်သည့်အခါ ရိုက်ခြင်းအစား အဝေးသို့ထွက်သွားခြင်းကဲ့သို့ ရွေးချယ်မှုကောင်းကို ချီးကျူးရန် သတိရပါ။

• နေ့စဉ် သင့်ကလေးအား ကောင်းသောအရာ 5 ခုကိုပြောရန် ကတိပေးပါ။ ထို့နောက် ၎င်းကိုလုပ်ပါ။