Gamot sa Osteoarthritis

Mga gamot na nabibili nang walang reseta (over-the-counter, OTC).

Ang ilang gamot sa arthritis ay nabibili nang walang reseta.

• Epektibo ang acetaminophen para sa katamtamang kirot at hindi nagdudulot ng pagsakit ng tiyan. Ngunit hindi nito nababawasan ang pamamaga. Dapat kang makipag-usap sa iyong tagapangalaga ng kalusugan bago ito gamitin kung ikaw ay may probema sa atay o bato. 

• Tumutulong ang mga gamot na nonsteroidal anti-inflammatory (mga NSAID) na maibsan ang kirot at pamamaga. Kabilang sa mga ito ang ibuprofen at naproxen. Maaaring magdulot ang paggamit ng mga NSAID ng mga problema sa tiyan at bato pati na rin ang mas mataas na panganib para sa stroke at atake sa puso. Posible rin nitong pataasin ang presyon ng dugo. Huwag uminom ng mga NSAID kung umiinom ka ng mga gamot na pampalabnaw ng dugo, tulad ng warfarin. Makipag-usap muna sa iyong tagapangalaga ng kalusugan kung mayroon kang mga problema sa puso o sakit sa bato o atay. 

Mga inireresetang gamot

Kailangan ng reseta ang ilang gamot sa arthritis:

• Mas malakas ang mga inireresetang (NSAID) kaysa sa mga over-the-counter na NSAID. Nababawasan ng mga ito ang kirot at pamamaga. Ang paggamit ng mga NSAID ay maaaring magdulot ng mga malubhang problema sa tiyan at madali kang magkapasa. Maaaring humantong ang mga ito sa mga problema sa puso, bato, o atay. Kabilang sa mga gamot na ito ang nonselective NSAID, tulad ng naproxen, diclofenac, at indomethacin. Kabilang din sa mga selective NSAID, tulad ng meloxicam at celecoxib. Ipinapalagay na ang selective NSAID ay hindi gaanong nagdudulot ng panganib na magkaroon ng mga side efffect na gastrointestinal kaysa sa mga nonselective NSAID. 

• Ang iba pang mga gamot na maaaring gamitin ay ang duloxetine, tramadol, at opioids. Maaaring ireseta ito sa ilang tao batay sa ilang partikular na kalagayan. 

Mga topical na gamot

Ang topical na gamot ay mga gamot na ipinapahid sa balat sa ibabaw ng apektadong kasu-kasuan. Pwedeng lotion, cream, spray, ointment, gel ang mga ito. Magagamit ang mga ito kasama ng ilang gamot:

• Maaaring mabawasan ng mga NSAID cream ang pamamaga at mapahupa ang kirot.

• Ang capsaicin cream ay gawa sa sangkap na matatagpuan sa mga sili (chili pepper). Umeepekto ito sa pamamagitan ng pagpapahinto sa produksyon ng substansya na nakakatulong sa pagpapadala sa utak ng mga signal ng kirot. Maaari itong magdulot ng mainit at parang tinitibo na pakiramdam sa unang paggamit nito.

• Ang iba pang topical na gamot ay nagpapahupa ng kirot sa pamamagitan ng pagpapamanhid sa bahagi kung saan ito ipinahid.

Mga gamot na intra-articular

May ilang taong bumubuti ang pakiramdam pagkatapos mainiksyonan sa tuhod. Ang mga ito maaaring:

• Corticosteroid na ginagamit sa halos lahat ng kasu-kasuan

• Paghahanda ng hyaluronic acid na gagamitin para sa mga tuhod 

Kung hindi umeepekto sa iyo ang isang gamot, maaaring umepekto naman ang iba. Kung may mga tanong ka o alalahanin patungkol sa iyong mga gamot, makipag-usap sa iyong tagapangalaga ng kalusugan.