Mga tagubilin sa Pag-uwi para sa Biopsy sa Bato

Ikaw ay sumailalim sa isang pamamaraan na tinawag na kidney biopsy. Ang iyong doktor ay gumamit ng espesyal na karayom upang tanggalin ang maliit na piraso ng tisyu mula sa iyong bato upang ma-eksamin ito para sa mga senyales ng pagkasira o sakit. Ang kidney biopsy ay itinatakda matapos na ang mga pagsusuri ay magpakita ng problema sa iyong bato. Ang kidney biopsy ay ginagawa rin kapag pinaghihinalaan ang sakit sa bato at upang malaman kung ito ay hindi kanser.

Pangangalaga sa Tahanan

• Magpahinga ng 24 hanggang 48 na oras. Bumangon lamang kapag gagamit ng palikuran.

• Huwag magmaneho ng 24 hanggang 48 na oras matapos ang pamamaraan.

• Huwag maligo ng 24 oras matapos ang biopsy. Kung iyong gugustuhin, maaari mong hugasan ang iyong sarili gamit ang isang spongha o bimpo. Kapag ikaw ay maaari ng maligo, huwag kuskusin ang dakong ginamit. Marahang hugasan ang lugar at patapik na tuyuin.

• Tanggalin ang benda na nakatakip sa dako ng biopsy 24 hanggang 48 oras matapos ang pamamaraan.

• Huwag magbuhat ng alinmang mabigat sa 10 pounds ng 3 hanggang 4 na araw matapos ang pamamaraan.

• Tanungin ang iyong doktor kung kailan ka makakabalik sa pagtratrabaho. Siguraduhing sabihin sa iyong doktor kung ang iyong trabaho ay nangangailangan ng pagbubuhat.

• Kung ikaw ay normal na umiinom ng mga gamot na pampalabnaw ng dugo (anticoagulants o antiplatelet na mga gamot) at ikaw ay huminto sa pag-inom ng mga ito ilang araw bago ang pamamaraan, tanungin ang iyong doktor kung kailan dapat simulan muli ang pag-inom ng mga ito.