Konsèy pou Konfò Pandan Gwosès la

Konsèy pou premye trimès la

Soulaje anvi vomi an

• Leve dousman. Manje kèk ti biskwit san sèl anvan ou leve nan kabann.

• Rete lwen odè ki deranje w.

• Manje ti manje ki pa gen anpil sèl ni grès epi ki gen anpil pwoteyin, tanzatan.

• Bwè ti dlo, ti te lejè oubyen bwason ki klè, tankou soda jenjanm. Manje glas.

• Eseye pran vitamin B6.

Jere fatig

• Fè ti dòmi lè w kapab.

• Fè egzèsis regilyèman.

• Asepte èd nan men moun.

• Pran bon abitid somèy, tankou al dòmi epi leve nan menm lè a chak jou. Itilize kabann ou sèlman pou w dòmi epi fè sèks.

Kalme chanjman karaktè yo

• Pale de santiman w ak lòt moun, tankou lòt manman.

• Limite sik, chokola ak kafeyin.

• Manje yon fason ki sen. Pa sote manje yo.

• Fè egzèsis regilyèman.

Kalme tèt fè mal yo

• Al pran lè fre epi fè egzèsis.

• Detann ou epi repoze w ase.

• Konsilte founisè swen sante ou a avan ou pran nenpòt medikaman kont doulè.

Konsèy pou dezyèm trimès la

• Pou w anpeche je pye w anfle, chita epi mete pye w anlè oubyen pote ba kontansyon.

• Si w gen doulè nan nivo senti w ak lestomak ou (doulè nan nivo ligaman won) pa fè mouvman pou w tòde kò w yon fason brital.

• Nan ka kote w gen kranp nan janm, fè mouvman ak pye w souvan pote soulajman sou plas. Eseye fè yon ti masaj nan jarèt ou ak mouvman desann tou long oubyen detire janm ou yo avan w al kouche. Fè ase espò epi mete soulye ki gen semèl ki pa di nan pye w. Manje manje ki gen anpil kalsyòm.

Konsèy pou twazyèm trimès la

Redui kè brile

• Manje manje ki pa lou pandan jounen an olye 3 gwo repa.

• Dòmi ak pati siperyè kò w anlè 6 pous. Pa kouche jiska 2 èdtan aprè w fin manje.

• Pa manje manje ki gen grès, ki fri, oubyen ki gen anpil epis.

• Pa konsome fwi asid yo ni bwè ji yo.

Trete konstipasyon

• Manje manje ki gen anpil fib, tankou sereyal konplè, fwi ak legim ki fre.

• Bwè anpil dlo.

• Fè egzèsis regilyèman.

• Pale ak founisè swen sante w la sou medikaman ki gen dokizat oubyen psilyòm ladan yo.

Pran swen tete w

• Pa sèvi ak savon ki fèt ak pwodui ki fò oswa alkòl ki ka fè po w vin twò sèk.

• Mete soutyen ki fèt pou w bay tete. Yo pèmèt ou gen yon pi bon sipò pase soutyen klasik yo epi w ap ka itilize yo aprè gwosès la si w ap bay tete.

Byen dòmi

• Pran yon douch tyèd avan w al dòmi.

• Dòmi sou yon matla ki fèm.

• Kouche sou kan ak janm ou kwaze youn sou lòt.

• Itilize zòrye pou soutni bra w, janm ou, ak vant ou.