သွေးဖိအားတက်ခြင်း ထိန်းချုပ်ခြင်း

နှလုံး-ကျန်းမာစေသည့်အစားများကို ရွေးချယ်ပါ

• အငံဓာတ်၊ အဆီနည်းသည့် အစားများကို ရွေးချယ်ပါ။ တစ်နေ့လျှင် ဆိုဒီယမ်ပမာဏသည် 2,400 mg သို့မဟုတ် သင့်ကျန်းမာရေးပြုစုစောင့်ရှောက်သူ အကြံပြုသည့် ပမာဏကို သုံးစွဲပါ။
• စည်သွတ်အစာ၊ အစာခြောက်၊ တာရှည်ခံအောင်ပြုပြင်ထားသည့်အစာ၊ ထုပ်ထိုးထားသည့် အစာ၊ နှင့် အသင့်စားအစားအစာများကို အကန့်အသတ်နှင့်စားပါ။ ၎င်းတို့တွင် ဆားအလွန်အမင်း ပါဝင်နိုင်သည်။
• နေ့စဥ် အသီးအရွက်များနှင့် အသီးများ 8 ကြိမ်မှ 10 ကြိမ်အထိ အချိုးအဆအတိုင်း စားပါ။
• အဆီနည်းသည့်အသားများ၊ ငါး၊ သို့မဟုတ် ကြက်သားကို ရွေးချယ်ပါ။
• ဂျုံလုပ်ပါစတာ၊ ဆန်လုံးညို၊ နှင့် ပဲများကို စားပါ။
• အဆီနည်းသည့် သို့မဟုတ် အဆီမပါသည့် နို့နှင့်နို့ထွက်ပစ္စည်းများကို 2 ကြိမ် မှ 3 ကြိမ် အချိုးအဆညီညီ စားသုံးပါ။
• DASH အစားအသောက်ပုံစံအကြောင်း သင့်ဆရာဝန်ကို မေးပါ။ ၎င်းစားသောက်ပုံစံသည် သွေးဖိအားလျှော့ချရာတွင် ကူညီပေးသည်။
• စားသောက်ဆိုင်သို့ သင်သွားသည့်အခါ သင့်အစားများကို ဆားမထည့်ဘဲ ပြင်ပေးရန် ပြောပါ။

ကျန်းမာသည့် ကိုယ်အလေးချိန်ဖြစ်အောင် ထားပါ

• တစ်နေ့ကို စားရမည့်ကယ်လိုရီပမာဏအတွက် သင့်ကျန်းမာရေးပြုစုစောင့်ရှောက်သူကို မေးပါ။ ထို့နောက် ထိုပမာဏအတိုင်းစားသုံးပါ။
• ကိုယ်အလေးချိန်မည်မျှသည် သင့်အတွက်သင့်တော်လဲဆိုတာ သင့်ကျန်းမာရေးပြုစုစောင့်ရှောက်သူကို မေးပါ။ သင်သည် အဝလွန်နေလျှင် သင့်ကိုယ်အလေးချိန်၏ 3% မှ 5% သာ လျော့ကျသွားလျှင် သွေးဖိအားလျော့နည်းရန်အတွက် အထောက်အကူပြုသည်။ ပုံမှန်အားဖြင့် ကိုယ်အလေးချိန်လျှော့ချရန် အကောင်းဆုံး ရည်မှန်းချက်မှာ တစ်နှစ်လျှင် သင့်ကိုယ်အလေးချိန်၏ 10% လျှော့နိုင်ခြင်းဖြစ်သည်။
• အဆာပြေအစားများနှင့် အချိုစားခြင်းကို ကန့်သတ်ပါ။
• ပုံမှန်လေ့ကျင့်ခန်း လုပ်ပါ။

အိပ်ရာမှထ၍ တက်ကြွစွာနေထိုင်ခြင်း

• သင်တစ်ယောက်တည်း သို့မဟုတ် သင့်သူငယ်ချင်းများ သို့မဟုတ် မိသားစုနှင့်ပူးပေါင်းလုပ်ဆောင်နိုင်သည့် ကိုယ်လက်လှုပ်ရှားမှုများကို ရှာဖွေပါ။ ၎င်းကိုယ်လက်လှုပ်ရှားမှုများတွင် စက်ဘီးစီးခြင်း၊ ကခြင်း၊ လမ်းလျှောက်ခြင်း၊ သို့မဟုတ် လမ်းဖွဖွလျှောက်ခြင်းများ ပါဝင်နိုင်သည်။
• အဆောက်အအုံများနှင့် ဝေးဝေးမှာရှိသည့် ပန်းခြံတွင် လမ်းများများလျှောက်ပါ။
• ဓာတ်လှေကားအစား လှေကားကိုသာ အသုံးပြုပါ။
• သင်တတ်နိုင်လျှင် ကားမောင်းမည့်အစား လမ်းလျှောက်ခြင်း သို့မဟုတ် စက်ဘီးစီးခြင်းလုပ်ပါ။
• အရွက်များစုပုံခြင်း၊ ဥယျာဥ်လုပ်ခြင်း၊ သို့မဟုတ် အိမ်တွင်း ပြင်ဆင်မှုများ လုပ်ပါ။
• တစ်ပတ်လျှင် အနည်းဆုံး 3 ရက်မှ 4 ရက်အထိ အတန်အသင့်မှ အားစိုက်ထုတ် လုပ်ဆောင်ရသည့် ကိုယ်လက်လှုပ်ရှားမှုကို အနည်းဆုံးမိနစ် 40 အထိ တက်ကြွစွာလုပ်ဆောင်ပါ။ 

စိတ်ဖိစီးမှုကို ကိုင်တွယ်စီမံပါ

• အချိန်ယူအနားယူပြီး ဘဝကို ပျော်မွေ့ပါ။ ရယ်မောပျော်ရွှင်ရသည့်အချိန်များ ဖန်တီးပါ။
• သင်စိုးရိမ်ပူပန်နေမှုများကို သင့်ချစ်ရသည့်သူများနှင့် သင့်ကျန်းမာရေးပြုစုစောင့်ရှောက်သူနှင့် ရင်ဖွင့်ပြောဆိုပါ။
• မိသားစုနှင့် သူငယ်ချင်းများထံ သွားရောက်လည်ပတ်ပါ၊ ထို့အပြင် ဝါသနာပါသည့်အရာများကို ဆက်လက်လိုက်စားပါ။

အရက်အကန့်အသတ်ဖြင့် သောက်၍ ဆေးလိပ်ဖြတ်ခြင်း

• အမျိုးသားများသည် တစ်နေ့လျှင် အရက် 2 ကြိမ်ထက် ပိုပြီး မသောက်သင့်ပါ။
• အမျိုးသမီးများသည် တစ်နေ့လျှင် အရက် 1 ကြိမ်ထက် ပိုပြီး မသောက်သင့်ပါ။
• ဆေးလိပ်ဖြတ်ခြင်းနှင့်ပတ်သက်၍ သင့်ကျန်းမာရေးပြုစုစောင့်ရှောက်သူနှင့် ပြောဆိုတိုင်ပင်ပါ။ ဆေးလိပ်သောက်ခြင်းသည် နှလုံးရောဂါများနှင့် လေဖြတ်ခြင်းကို သိသိသာသာတိုးစေနိုင်သည်။ လူအဖွဲ့အစည်းတွင်းဆေးလိပ်ဖြတ်အစီအစဥ်များနှင့် အခြားနည်းလမ်းများအကြောင်းကို သင့်ကျန်းမာရေးပြုစုစောင့်ရှောက်သူကို မေးပါ။

ဆေးဝါးများ

ဘဝလူနေမှုပုံစံပြောင်းလဲခြင်းဖြင့် မလုံလောက်ပါက သင့်ကျန်းမာရေးပြုစုစောင့်ရှောက်သူသည် သွေးတိုးကျဆေးများကို ညွှန်ကြားပေးလိမ့်မည်။ ညွှန်ကြားသည့်အတိုင်း ဆေးဝါးများအားလုံးကို သောက်ပါ။ သင့်ဆေးဝါးများနှင့်ပတ်သက်၍ မေးမြန်းစရာများရှိပါက အဆိုပါဆေးများကို ရပ်မပစ်ခင် သို့မဟုတ် ပြောင်းမသောက်ခင် သင့်ကျန်းမာရေးပြုစုစောင့်ရှောက်သူကို မေးပါ။